Ҳатто иқтисодий инқироз даврида ҳам одамлар қуриш ва таъмирлаш ишларидан тўхтамайдилар. Агар, дейлик, йирик металл конструкцияларни тайёрлаш бизнеси бундай пайтда бироз оқсаса, майда деталлар ва қотириш мосламаларини ишлаб чиқарадиган цехлар одатий режимда фаолият олиб бораверадилар. Ундай бўлса нега дарҳол саморез ишлаб чиқаришга мўлжалланган бизнес-режани тузмаслик керак? Ишни оқилона ташкил этиш орқали қисқа вақтларда корхонага сезиларли даромад келтирадиган кўплаб буюртмачилар базасини яратиш мумкин,
Технологик линияларнинг нархи тайёрлаш тезлиги ва маҳсулот ўлчами диапазонига қараб фарқланади. Энг инновацион станокларда дақиқасига 250 донагача саморез ишлаб чиқариш мумкин.
Шунингдек, тайёрланадиган маҳсулот ассортименти ҳам линия нархига таъсир қилади. Буни ярим маҳсулот ва резба сони белгилайди. Ускуна қанча кўп вариантларни созлашга имкон берса, у шунча қиммат нархда сотилади. Баъзи линияларни қайта созлаб, шуруп, винт ва дюбель ҳам ишлаб чиқарса бўлади.
